Барааны тайлбар:

Бидний мөнхийн хөрш Хятад улсын бичиг соёл даруй гурван мянганы түүхтэй билээ. Хэл бичгийн арвин баялаг өвтэй энэ улсын нэн шинэ үеийн түүхэнд уран зохиолын хоёр том шагнал бий болсон нь алдартай зохиолч Мао Дунийн нэрэмжит, нөгөө нь орчин үеийн уран зохиолыг үндэслэгч Лу Синий нэрэмжит шагнал юм. Мао Дунийн шагналыг дөрвөн жилд нэг удаа шилдэг романд олгодог бол Лу Синий шагналыг мөн төдий хугацаанд туурвисан шилдэг тууж, богино өгүүллэгийг шилж сонгон олгодог уламжлалтай. Энэ түүвэрт Лу Синий нэрэмжит шагнал хүртсэн үе үеийн өгүүллэг, туужаас гадна гадаад, дотоодын уншигчдын таашаалд нийцсэн, Хятадын орчин үеийн уран зохиолын нүүр царай болсон нэртэй зохиолчдын бүтээлүүдээс сорчлон орууллаа.

Түүвэрт Хятадын орчин үеийн уран зохиолыг үндэслэгч Лу Синь, ХХ зууны арвин их бүтээлтэй эрхэм нэгэн гэгдсэн Шэнь Цунвэнь, тэнгэрийн доорх сүүлчийн эрдэмт хүмүүн Ван Цэнци, Францын иргэн болоод 2 жилийн дараа 2000 онд Нобелийн шагнал хүртсэн Гао Синзянь, найруулагч Эн Лигийн кино хальсанд буулгасан Жан Айлиний "Хүсэл хясал", Лу Синий нэрэмжит шагналт, залуу зохиолчдын төлөөлөл Сяо Зянхун, уран зөгнөлт зохиол бүтээлээрээ нэрд гарч буй Лю Цысинь, богино өгүүллэгийн залуу мастер, мөн ялгаагүй Лу Синий шагналт Жан Чү, өнөөгийн нийгэм дэх эмэгтэйчүүдийн ээдрээт тавиланг өгүүлсэн зохиол бичдэгээрээ нэртэй Цяо Е, цөөн хэдэн өгүүллэг бичсэн ч тэр бүр нь өрнө, дорнын уншигч, шүүмжлэгчдийн талархлыг хүлээсэн Сюэ Мо, Man of Asia шагналт Су Тун зэрэг арав гаруй зохиолчдын тууж өгүүллэг багтсан билээ.

Хориод тууж, өгүүллэг багтсан болохоор 400 гаруй нүүртэй болжээ.

#923